Светскиот ден на физичка активност

http://pharmanews.mk/denes-e-svetski-den-na-fizichka-aktivnost/

Светскиот ден на физичка активност е важен настан за промоција на здрав начин на живот преку физичка активност и вежбање. Според Светската здравствена организација (СЗО), физичката активност помага во спречување и управување со голем број неинфективни болести, како што се срцеви заболувања, дијабетес и некои видови на рак. Исто така, помага во подобрување на менталното здравје, квалитетот на животот и општата благосостојба.

Еве неколку препораки од СЗО за различни возрасни групи:

- Деца и адолесценти (5-17 години): Треба да вежбаат најмалку 60 минути дневно, барем 3 пати неделно, со умерен до висок интензитет. Ова треба да вклучува активности кои зајакнуваат мускули и коски.

- Возрасни (18-64 години): Препорачано е 150-300 минути умерена аеробна физичка активност или 75-150 минути интензивна физичка активност неделно. За дополнителни здравствени придобивки, возрасните треба да го зголемат нивото на активност.

Светски ден на семејството

https://www.cowlitzfamilyhealth.org/

Семејството е основна институција на организацијата во општеството. Семејствoтообезбедува средина во која поединците се раѓаат, негуваат, учат да се дружат и каде се обликуваат однесувањето и погледите на поединецот. Социокултурните традиции и економските влијанија вклучувајќи ги и оние кои влијаат на здравјето се пренесуваат преку семејствата на поединците и влијаат врз здравственото однесување.Интервенциите дизајнирани да го модулираат образованието и зајакнувањето на индивидуите преку семејствата се можност за придонес за здравјето и развој на општествата

7 АПРИЛ СВЕТСКИ ДЕН НА ЗДРАВЈЕТО

„ Моето здравје, мое право“.

           Низ светот, правото на здравје на милиони луѓе од година во година e се повеќе под закана.

Болестите и катастрофите се причина за смрт и инвалидитет кај луѓето.

Конфликтите ги уништуваат животите на луѓето, предизвикуваат смрт, болка, глад, психичка вознемиреност.

Согорувањето на фосилните горива ја потикнува климатската криза и ни го одзема правото да дишеме чист воздух, па оттука, загадувањето на воздухот во затворен простор и надвор одземаат живот на секои 5 секунди.

Советот на Светската здравствена организација за економија на здравјето за сите утврди дека најмалку 140 земји го признаваат здравјето како човеково право во нивниот устав. Сепак, земјите не донесуваат и не спроведуваат закони за да обезбедат нивното население да има право на пристап до здравствените услуги.

Ова го поткрепува фактот дека најмалку 4,5 милијарда луѓе – повеќе од половина од светското население – не биле покриени со основните здравствени услуги во 2021 година.

За да се одговори на овие видови предизвици, темата на Светскиот ден на здравјето за 2024 година е „ Моето здравје, мое право“.

Спроведени активности во Ј.З.У Центар за јавно здравје - Скопје на 28.03.2024

За 20 вработени кои беа обучувани како да се однесуваат за давање на прва помош, за гаснење пожар, евакуација и спасување, врз основа на член 30 од Законот за работни односи.

Светски ден на туберколоза

Туберкулозата (ТБ) и понатаму е еден од најсмртоносните инфективни убијци во светот. Секој ден, над 4000 луѓе ги губат своите животи од ТБ, а близу 30.000 луѓе заболуваат од оваа болест која може да се спречи и може да се излечи.

Глобалните напори за борба против туберкулозата спасиле околу 66 милиони животи од 2000 година. Сепак, пандемијата COVID-19 го промени долгогодишниот напредок постигнат во борбата за ставање крај на ТБ. За прв пат по повеќе од една деценија, смртните случаи од ТБ се зголемија во 2020 година.

Светски ден на оралното здравје

Секоја година Светскиот ден на оралното здравје има различна тема, а оваа година фокусот е „Среќната уста.... е среќно тело“, подигајќи ја свеста за фактот дека добрата хигиенска орална рутина води до поздрав и посреќен живот.Вашата уста е огледало на вашето тело и го одразува вашето општо здравје и благосостојба.Здравата уста и здравото тело одат рака под рака. Одржувањето на здрава уста е од клучно значење за одржување на правилно функционирање и за одржување на целокупното здравје и квалитетот на животот. Никогаш не е рано или предоцна да почнете да се грижите за вашата уста, вашето тело ќе ви се заблагодари.

Светски ден на бубрегот

Хронична бубрежна болест (ХББ) е прогресивно губење на функцијата на бубрезите во период од месеци или години. Секој од вашите бубрези има околу милион мали филтри, наречени нефрони. Ако нефроните се оштетени, тие престануваат да работат. За некое време, здравите нефрони можат да преземат дополнителна работа. Но, ако штетата продолжи, се повеќе и повеќе нефрони се исклучуваат. По одреден момент, нефроните што ќе останат не можат да ја филтрираат вашата крв доволно добро за да ве одржат здрави.